உரக்கப் பேசுங்கள்!

Intersnack புகாரளிக்கும் அமைப்பு என்றால் என்ன ?

Intersnack புகாரளிக்கும் அமைப்பு என்பது EQS Group GmbHயின் இணைய அடிப்படையிலான புகாரளிக்கும் அமைப்பாகும். EQS Group GmbH என்பது பெர்லினைத் தலைமையிடமாகக் கொண்ட ஒரு ஜெர்மன் நிறுவனமாகும். (www.eqs.bkms-system.com). Intersnack Group GmbH & Co. KG (Intersnack குழுமம்) அதன் பணியாளர்களுக்கும் அதே போன்று அதன் வாடிக்கையாளர்களுக்கும் வணிகக் கூட்டாளர்களுக்கும் சட்டங்களுக்கு அல்லது நிறுவன-உள்ளகக் கொள்கைகளுக்கு இணங்குவது குறித்த கவலைகள் இருந்தால், மற்றும் தனிப்பட்ட முறையில் இந்தக் கவலைகளைப் புகாரளிப்பது பொருத்தமற்றதாகத் தோன்றினால் அவர்களுக்கு Intersnack புகாரளிக்கும் அமைப்பை வழங்குகிறது. புகார்கள் பெயரிடப்பட்டதாகவோ அல்லது அநாமதேயமானதாகவோ சமர்ப்பிக்கப்படலாம்.

நான் ஏன் புகாரை சமர்ப்பிக்க வேண்டும்?

சட்டங்களுக்கும் நிறுவனத்துக்குட்பட்ட கொள்கைகளுக்கும் இணங்குவது நேர்மறையான மற்றும் வெளிப்படையான நிறுவன கலாசாரத்தின் ஒரு பகுதியாகும்.

சேதப்படுத்தும் நடத்தை அல்லது நிறுவனத்திற்கு ஆபத்தை விளைவிக்கும் அபாயங்கள் பற்றி நீங்கள் அறிந்திருக்கலாம்ஒருவேளை நீங்கள் சேதப்படுத்தும் நடத்தை அல்லது நிறுவனத்திற்கு ஆபத்தை விளைவிக்கும் அபாயங்கள் பற்றி அறிந்திருக்கலாம். ஒரு புகாரைச் சமர்ப்பிப்பதன் மூலம், எமக்கு ஆரம்பக் கட்டத்திலேயே விதிமீறல்களைக் கண்டறிந்து நிறுவனத்திற்குத் ஏற்படும் தீங்குகளைத் தடுக்க இது உதவும். இது நிறுவனத்தின் நீண்டகால வெற்றிக்குப் பங்களிப்பதுடன் வேலைவாய்ப்பின் தொடர்ச்சியான இருப்பையும் பாதுகாக்கிறது.

எந்த வகையான புகார் பயனுள்ளதாக இருக்கும்?

பொருந்தக்கூடிய சட்டங்கள், கொள்கைகள் அல்லது நடத்தை விதிகள் போன்றவைகளின் மீறல்களைப் பற்றி புகாரளிக்கவும்:

• ஊழல், மோசடி, நம்பிக்கை மீறல், திருட்டும் அபகரிப்பும், வணிக ரகசியங்களை வெளிப்படுத்துதல் போன்ற நிர்வாக ரீதியான அபராதங்களுடன் செயல்படுத்தப்படும் குற்றங்களும் மீறல்களும்
• போட்டி மற்றும் கார்டெல் சட்டத்தின் மீறல்கள்
• மனித உரிமை மீறல்
• ் முக்கியமான நடத்தை விதிகள் அல்லது நிறுவனத்தின் கொள்கைகள் மீறுதல்

நீங்கள் சமர்ப்பிக்கும் எந்தத் தகவலும் Intersnack Group ஊழியர்களுக்கு அல்லது மூன்றாம் தரப்பினருக்குப் பின்விளைவுகளை ஏற்படுத்தக்கூடிய முடிவுகளுக்கு வழிவகுக்கும் என்பதை நினைவில் கொள்ளவும். இந்தக் காரணத்துக்காக, உங்களுக்குத் தெரிந்தவரை சரியானதும் முழுமையானதுமான தகவல்களை மாத்திரமே சமர்ப்பிக்குமாறு ் நாங்கள் உங்களைக் கேட்டுக்கொள்கிறோம்.

் தயாரிப்புகள் அல்லது சேவைகள் பற்றிய விசாரணைகளுக்காக அல்லது புகார்களுக்காக தயவுசெய்து இந்த அமைப்பை பயன்படுத்த வேண்டாம். மேலும் இந்தப் புகாரளிக்கும் அமைப்பு மேலதிகாரிகளுடன் அல்லது சக ஊழியர்களுடனான பொதுவான மோதல்களை அதிகரிக்க அல்லது பொதுவான ு உணர்ச்சிகரமான சூழ்நிலைகளுக்கு ஏற்ற கருவி அல்ல.

நான் சாத்தியமான இணக்க விதிமீறல் ஒன்றைப் பற்றி அறிந்திருக்கிறேன் Intersnack புகாரளிக்கும் அமைப்பு மூலம் இதைப் புகாரளிக்க நான் கடமைப்பட்டுள்ளேனா?

Intersnack குழுமத்தின் கொள்கைகள், இணக்க மீறல்களைப் புகாரளிக்க ஒரு கடமையை விதிக்கவில்லை. ஆயினும்கூட, எங்கள் நடத்தை விதித் தொகுப்பு, எங்கள் நிறுவனத்தின் கொள்கைகள் மற்றும்/அல்லது சட்டத்தின் சந்தேகத்திற்குரிய ஏதேனும் மீறல்கள் குறித்து எங்களுக்குத் தெரிவிப்பதற்காக, எங்கள் பணியாளர்களையும் எங்கள் வணிகக் கூட்டாளர்களையும் நாங்கள் வெளிப்படையாக ஊக்குவிக்க விரும்புகிறோம். இணக்கத் துறை எப்போதும் புகார்களைக் கவனமாகவும் நியாயமாகவும் விசாரணை செய்து அனைத்து விஷயங்களையும் ரகசியமாக நடத்தும்.

புகார் அளிக்கும் அமைப்பில் உள்ள அறிக்கையில் எனது பெயரை சேர்ப்பது சிறந்ததா அல்லது பெயர் தெரிவிக்காமல் புகார் சமர்ப்பிப்ப து சிறந்ததா?

இரண்டு விருப்பத்தேர்வுகளும் கிடைக்கின்றன. அநாமதேயமாகப் புகாரைச் சமர்ப்பிக்கும் சந்தர்ப்பத்திலும் கூட, செய்திகளை அனுப்புவதற்கும் பெறுவதற்கும் பாதுகாப்பான அஞ்சல் பெட்டி ஒன்றை உங்களுக்கு அமைப்பில் அமைக்க முடியும். இருப்பினும், புகாரளிப்பவர்கள் தங்கள் பெயரை வழங்கும்போது, ​​சம்பவங்களின் விசாரணை பெரும்பாலும் விரைவாகவும் பயனுள்ளதாகவும் இருக்கும் என்பதை அனுபவம் காட்டுகிறது.

Intersnack புகாரளிக்கும் அமைப்பு பாதுகாப்பானதா?

Intersnack புகாரளிக்கும் அமைப்பு என்பது சாத்தியமான அதிகபட்சத் தரவு, அணுகல் பாதுகாப்பைக் கொண்ட சான்றளிக்கப்பட்டதும் தரப்படுத்தப்பட்டதுமான அமைப்பாகும். இணைப்பு பாதுகாப்பானதாகவும் உள்ளடக்கங்கள் மறைகுறியாக்கப்பட்டாவையாகவும் காணப்படுகின்றன. EQS Group GmbH உட்பட எந்த வெளித் தரப்பினருக்கும் அணுகல் இல்லை. அமைப்பும் உயர்-பாதுகாப்புத் தரவு மையமும் ISO 27001 இன் படி சான்றுபடுத்தப்பட்டிருக்கின்றன. ஜெர்மனியில் உள்ள பாதுகாப்பு அடுக்கு 3+ தரவு மையத்தில் இந்தச் சேவை வழங்கப்படுகிறது. புகார்களை அனுப்பியோரைப் பின்தொடர்ந்து அவற்றை மீண்டும் கண்டுபிடிக்க முடியாது. கோட்பாட்டளவில், நிறுவனத்தில் உள்ள தகவல் தொழில்நுட்பப் பணியாளர்களுக்கு ஊழியர்கள் புகாரளிக்கும் அமைப்பின் இணையதளத்தை அணுகினார்களா என்பதைச் சொல்ல முடியும், ஆனால் புகார் சமர்ப்பிக்கப்பட்டதா என்பதைக் கூற முடியாது. ஒரு புகாரளிப்பவராக நீங்கள் இந்தச் சாத்தியப்பாட்டையும் தவிர்க்க விரும்பினால், நிறுவனத்தின் கணினி வலையமைப்பிற்கு வெளியே உள்ள ஒரு கணினியை அல்லது மொபைல் சாதனத்தை நீங்கள் பயன்படுத்தலாம்.

புகாரை சமர்ப்பிப்பதற்கான செயல்முறை என்ன? அஞ்சல் பெட்டியை எப்படி அமைப்பது?

நீங்கள் ஒரு புகாரைச் சமர்ப்பிக்க விரும்பினால் (பெயரிட்டு அல்லது அநாமதேயமாக), எங்கள் அறிமுகப் பக்கத்தின் மேலே உள்ள "புகாரை சமர்ப்பி" என்ற பொத்தானைக் கிளிக் செய்யவும்.

புகாரளிக்கும் செயல்முறை 4 படிநிலைகளைக் கொண்டுள்ளது:

1. முதலில், உங்கள் அநாமதேயத்தைப் பாதுகாப்பது குறித்த சில தகவல்களைப் படிக்கும்படியும் பாதுகாப்பு வினவலுக்குப் பதிலளிக்கும்படியும் கேட்கப்படுவீர்கள்.
2. அடுத்த பக்கத்தில், உங்கள் புகாரின் வகைப்பாடு பற்றி உங்களிடம் கேட்கப்படும்.
3. புகார் பக்கத்தில், உங்கள் சொந்த வார்த்தைகளில் உங்கள் புகாரை விரிவாகக் கூறலாம், மேலும் பதில்களைத் தேர்ந்தெடுப்பதன் மூலமும் சம்பவத்தைப் பற்றிய கேள்விகளுக்குப் பதிலளிக்கலாம். இலவச உரை புலத்தில் 5,000 எழுத்துக்கள் வரை உங்களுக்கு உள்ளிட முடியும், இது ஒரு முழுப் பக்கத்தை ஒத்திருக்கும். உங்கள் புகாருக்கு வலுவூட்டுவதற்காக 5 MB அளவுள்ள ஒரு கோப்பையும் சமர்ப்பிக்கலாம். உங்கள் புகாரைச் சமர்ப்பித்த பிறகு, உங்கள் புகார் சமர்ப்பிக்கப்பட்டது என்பதை உறுதிப்படுத்த ஒரு குறிப்பு எண்ணைப் பெறுவீர்கள்.
4. இறுதியாக, உங்களுடைய சொந்த பாதுகாப்பான அஞ்சல் பெட்டியை அமைக்கும்படி கேட்கப்படுவீர்கள். இந்த அஞ்சல் பெட்டி வழியாக, கேள்விகளுக்கான பதில்கள் மற்றும் உங்கள் புகாரின் முன்னேற்றம் பற்றிய தகவல்கள் உட்பட எங்களிடமிருந்து கருத்துகளைப் பெறுவீர்கள்.

உங்களிடம் ஏற்கெனவே ஒரு பாதுகாப்பான அஞ்சல் பெட்டி இருந்தால், "உள்நுழை" (“Login”) என்ற பொத்தான் மூலம் அதை நேரடியாக அணுகலாம். முன்பு உருவாக்கப்பட்ட ஒரு அஞ்சல் பெட்டியை அணுகும் போது, ​​நீங்கள் முதலில் ஒரு பாதுகாப்பு வினவலுக்கும் பதிலளிக்க வேண்டும்.

உங்களை அடையாளம் காணக்கூடிய தனிப்பட்ட விவரங்களை நீங்கள் உள்ளிடாவிட்டால், Intersnack புகாரளிக்கும் அமைப்பின் தொழில்நுட்பம் உங்கள் அநாமதேயத்தைப் (பெயர் தெரியாததைப்) பாதுகாக்கும்.

நான் அநாமதேயமாக (எனது பெயர் தெரிவிக்காமல்) இருந்துகொண்டே கருத்துக்களைப் பெறுவது எப்படி?

பயன்படுத்தப்படும் Intersnack புகாரளிக்கும் அமைப்புச் செயல்முறையானது, புகாரளிப்பவரைப் பாதுகாப்பதில் மிகவும் முக்கியத்துவத்தை அளிக்கிறது. அமைப்பின் அநாமதேயப் பாதுகாப்புச் செயல்பாடு ஒரு சுயாதீன அமைப்பால் சான்றளிக்கப்பட்டது.

உங்கள் பாதுகாப்பான அஞ்சல் பெட்டியை அமைக்கும் போது, ​​உங்கள் சொந்த புனைப்பெயர்/பயனர்பெயர் மற்றும் கடவுச்சொல்லைத் தேர்ந்தெடுக்கவும். இந்தச் சான்றுகள் உங்களைத் தவிர வேறு யாருக்கும் தெரிவதில்லை. உங்கள் உள்நுழைவுத் தகவல்களை நீங்கள் தொலைத்துவிட்டால், ஒரு புதிய புகாரைச் சமர்ப்பித்து, ஒரு புதிய அஞ்சல் பெட்டியை அமைக்கவும். முடிந்தால், உங்கள் முந்தைய புகாரிற்கான குறிப்பு எண்ணை வழங்கவும். உங்கள் முந்தைய புகாருடன் தொடர்புடைய எந்த உள்ளடக்கமும் புதிய அஞ்சல்பெட்டியில் இருக்காது.

மறைகுறியாக்கம் மற்றும் சிறப்பு பாதுகாப்பு நடவடிக்கைகள் மூலம் உங்கள் புகார் அநாமதேயமானதாக வைக்கப்படுகிறது. நீங்கள் ஒரு புகாரை அநாமதேயமாகச் சமர்ப்பித்தால் உங்கள் தனிப்பட்ட தகவலைப் பற்றி ஒருபோதும் நீங்கள் கேட்கப்பட மாட்டீர்கள். உங்களை அடையாளம் காட்டக்கூடிய எந்தத் தகவல்களையும் சமர்ப்பிக்க வேண்டாம். உங்களுக்கு அநாமதேயத்தை உறுதிசெய்ய விரும்பினால், உங்கள் புகாரைச் சமர்ப்பிக்க உங்கள் பணி வழங்குநரால் வழங்கப்பட்ட PC அல்லது ஸ்மார்ட்போன் போன்ற எந்தச் சாதனத்தையும் பயன்படுத்த வேண்டாம்.

பாதுகாப்பான அஞ்சல் பெட்டி வழியாக, உங்கள் புகாரின் மேற்கொண்ட செயலாக்கத்தைப் பற்றி ஒரு ஆய்வாளர் உங்களுக்குக் கருத்துத் தெரிவிப்பார் அல்லது சில விவரங்கள் தெளிவாக இல்லை என்றால் உங்களிடம் கேள்விகளைக் கேட்பார். உரையாடல் முழுவதும் நீங்கள் அநாமதேயமானவராக இருப்பீர்கள்.

நான் அமைப்பில் ஒரு புகாரைச் சமர்ப்பித்த பிறகு என்ன நடக்கும்?

ஒரு புகாரைச் சமர்ப்பித்த பிறகு, Intersnack Group GmbH & Co. KG இன் இணக்கத் துறை புதிய புகாரின் அறிவிப்பைப் பெறும். புகாரளிப்பவர் என்ற வகையில், உங்கள் புகார் பெறப்பட்டதாக உங்களுக்குத் தெரிவிக்கப்படும். பின்னர் அந்தப் புகார் கவனமாக விசாரணை செய்யப்படும். சம்பவத்தின் தன்மையைப் பொறுத்து, நிறுவனத்தில் உள்ள உள்ளக தணிக்கைத் துறை போன்ற மற்ற துறைகள் விசாரணையில் உள்ளடக்கப்படலாம். சம்பவத்தின் சூழ்நிலைகளைப் பொறுத்து, எங்கள் விசாரணையில் சிறப்புச் சேவை வழங்குநர்கள் அல்லது வழக்கறிஞர்கள் போன்ற வெளிப்புற வளங்களை நாம் பயன்படுத்துவோம். புகார் எப்போதுமே அதிகபட்ச ரகசியத்தன்மையுடன் கையாளப்படும். நல்ல எண்ணத்துடன் செயல்படும் புகாரளிப்பவர்கள் எந்தவிதமான பாகுபாடுகளிலிருந்தும் பாதுகாக்கப்படுவார்கள். அதே வேளை, நியாயமற்ற குற்றச்சாட்டுகளிலிருந்து ஊழியர்களையும் வணிக கூட்டாளர்களையும் நாங்கள் பாதுகாக்கிறோம். எல்லா விவரங்களையும் பகிர்ந்து கொள்வது எப்போதும் சாத்தியமில்லை ் என்றாலும் கூட, விசாரணையின் நிலை குறித்து புகாரளிப்பவர்களுக்கு ் நாங்கள் தெரியப்படுத்துகிறோம்.