Kwa nini ninapaswa kuwasilisha ripoti?

Tunatarajia wafanyakazi na washirika wetu wa kibiashara watende kwa uwajibikaji na kwa njia ya kutegemewa. Lazima watii vifungu, kanuni, miongozo na mikataba ya kisheria. Kwa mfano, ukigundua tabia ya ufisadi, ukiukaji wa maadili ya jamii, mwenendo usio wa kimaadili, makubaliano ya kukandamiza ushindani au makosa mengine, tumia fursa ya kuwasilisha ripoti kupitia mfumo huu wa utoaji siri na utueleze habari zako.

nt

Ni kampuni gani za kikundi cha ALDI Nord zinazoshiriki katika mfumo wa utoaji siri?

Ni lengo letu kuwa kampuni zote zinazojitegemea kisheria za kikundi cha ALDI Nord zishiriki katika mfumo wa utoaji siri. Hata hivyo, kwa sasa, ni kampuni zilizotajwa kwenye ukurasa wa ripoti ndizo zinazoruhusiwa kuwasilisha ripoti kwa sababu za kisheria. Asante kwa kuelewa.

Utaratibu wa kuwasilisha ripoti ni upi? Ninawezaje kusanidi kisanduku pokezi?

Ili uwasilishe ripoti bila kujitambulisha au ripoti iliyowekewa mapendeleo, anza kwa kubofya kitufe cha “Wasilisha Ripoti“ kilicho katika sehemu ya juu kushoto ya ukurasa wetu wa habari.

Utaratibu wa kuripoti unajumuisha hatua nne:

1. Kwanza, utatakiwa usome maelezo kuhusu jinsi ya kulinda hali yako ya kutotajwa kisha ujibu swali la usalama.
2. Pili, utaombwa ueleze mada ya ripoti yako kwenye ukurasa unaofuata.
3. Kwenye ukurasa wa ripoti, unaweza kufafanua ripoti yako kwa maneno yako mwenyewe na kujibu maswali kuhusu tukio husika kwa kuchagua tu majibu. Unaweza kuandika herufi zisizozidi 5,000 kwenye sehemu ya kuandika iliyowekwa, ambayo inalingana na ukurasa wa A4. Unaweza pia kuwasilisha faili isiyozidi MB 5 ya kuthibitisha ripoti yako. Tafadhali kumbuka kuwa hati zinaweza kuwa na maelezo kuhusu mwandishi. Baada ya kutuma ripoti yako, utapokea nambari ya marejeleo kama uthibitisho kuwa umewasilisha ripoti hiyo.
4. Mwisho, utaombwa usanidi kisanduku pokezi salama chako binafsi kisicho na utambulisho. Kisanduku hiki pokezi salama kitatumika kuwasiliana nawe, kujibu maswali yako na kukupa taarifa kuhusu hali ya ripoti yako.

Iwapo tayari umesanidi kisanduku pokezi salama, bofya kitufe cha “Ingia” ili ukifikie moja kwa moja. Kwanza, utatakiwa kujibu swali la usalama.

Teknolojia inayotumika katika mfumo wa BKMS^® System italinda hali yako ya kutotajwa mradi huwasilishi maelezo yoyote yaliyo na maelezo ya kukutambulisha.

Ninawezaje kupokea majibu na nisitambulike kwa wakati mmoja?

Kanuni kuu ya utaratibu wa mfumo wa BKMS^® inayotumika ni ulinzi wa mtoboa siri. Kipengele cha ulinzi wa hali ya kutotajwa cha mfumo kimeidhinishwa na shirika huru.

Unaposanidi kisanduku pokezi salama, tafadhali chagua jina bandia / jina la mtumiaji na nenosiri lako. Usiri wa ripoti yako unalindwa kupitia teknolojia ya usimbaji fiche na mbinu zingine maalum za usalama. Hutawahi kuombwa taarifa zako binafsi wakati wowote katika utaratibu wa kuripoti. Usiwasilishe maelezo yoyote yanayoweza kukutambulisha. Tafadhali usitumie kompyuta iliyotolewa na mwajiri wako kuwasilisha ripoti yako.

Kupitia kisanduku pokezi salama, mchunguzi atakujibu kuhusu uchakataji zaidi wa maelezo yako, au kukuuliza maswali ikiwa bado maelezo fulani hayaeleweki - hutatambulika katika mazungumzo yote.